No.1072/2020-2020

COVID-19 Task Group on Insurance PMGKY-Insurance chungchanga hriattur pawimawhte a hnuai ami ang hian thuchhuah an siam.

 

1. DM&R Department O.M.No.B.13021/114/2020-DMR Dated Aizawl,the 4th May,2020 a siam angin Covid-19 avanga thawktute boralte tana Rs.50 lakhs PMGKY-Insurance chungchang thuchhuah chipchiar takin a awm tawh a.

 

2. Hemi PMGKY-Insurance ah hi MoHFW in Covid-19 dona a thawktute tan a lo pek sak tawh avangin  mimalin Registration a hranpa a tih a ngai lova, Premium (pawisa) pek pawh a ngai lo a ni.

 

3. PMGKY-Insurance claim tur hian kum bi thliah a awm lova, Insurance in a huam hun chhung tur hi 30th March, 2020 atanga ni 90 chhung a ni.

 

4. PMGKY-Insurance hi chihnih a nih avangin a claim dan tur form pawh chi hnih a awm a, a  sample form pawh dah a ni:

 

(a) Form-(i): Hemi hmang hian Covid-19 damlo natna tuarte a taka a hmuna enkawltute leh hemi lama in hmang zawng zawng health lam hnathawktute a huam a, anni bakah LLTF/VLTF te Covid-19 direct a kai theite a huam bawk a ni. Chumite chuan an Claim dawn chuan Covid-19 avanga thi an ni tih chianna  laboratory test positive report a awm tur a ni.

 

 (b)Form-(ii): Hemi hmang hian Covid -19 dona hna hrang hrang thawktute an hnathawhnaah accident avanga an lo boral a nih chuan an claim thei bawk a ni.

 

5. Tunah VLTF/LLTF zawng zawng te chu District hotuten an rawn theh lut tawh a, an list record a ni a, hemi a member telh belh emaw tel thar an awm a nih chuan (Hei hi Health Department Notification No.D.33011/21/2019-HFW(nCOV) Dated Aizawl, the 2nd April,2020 angin phalsak an ni a) a rang thei angin District Task Force hotute emaw DC theuhte hnenah hriattir nghal tur a ni a, anni in Under Secretary, DM&R ah report an thehlut ve zel tur a ni. Chubakah VLTF/LLTF member leh tel thar emaw tel belh zawng zawng chuan an lo thih palh a Insurance claim theitu tur hming leh address kim chang DC te hnenah an thehlut tur a ni, chumi hnuah DC tin ten Under Secretary, DM&R ah an thehlut leh ang. VLTF/LLTF member ah hian sawrkar hnathawk DCRG la thei an awm a nih chuan, a hranpa a nomination thehluh a ngai lova, an DCRG nomination kha rin nghal tura ni.

 

6. PMGKY-Insurance ah hian Private Healthcare Institutions a hnathawktute pawh a huam a,chuvangin Private Institution tinten an hnuaia hna thawktute hming leh address kimchang leh an lo boral palh a claim sak theitu tur nominee list chu Dr.Vanlalrengpuia SPM,NHM e.mail:dr.rengpuia.chinzah@gmail.com ah an thehlut tur a ni.

 

7. PMGKY-Insurance claim duh leh claim thei kan lo awm a nih chuan, Chairman, Task Group on Insurance e.mail: addlsecyfinance.mizoram @gmail.com emaw Member Secretary, Task Group on Insurance e.mail: ngura.tlau@gmail.com ah hriattur tur a ni e.

 

8. Claim certifying authority pawh hnathawhna hmun a hrang angin a hnuai a mi ang hian ruat an ni: 

 

       (i) Healthcare lama thawktute (Sawrkar emaw Private pawh ni se)chu DHS emaw DHME in an certify ang.

 

       (ii) VLTF/LLTF member te chu anmahni bialtu theuh DC tin ten an Certify ang.

 

       (iii) sawrkar hnathawk dang ho chu an thawhna administrative head/Secretary te theuh in an certify ang.

 

9.  PMGKY-Insurance chungchanga zawhna leh chhhanna khaikhawmna (FAQ) leh insurance claim na tur form (i) leh (ii) pawh download theihin attachment dah  a ni e.

 

10. PMGKY-Insurance chungchanga hriat chian duh nei reng reng chuan Task Group on Insurance te hnenahah zawh fiah theih reng a ni e.

   

Sl.No

Name & Designation

Phone

1

Pu Ramchuana Addl.Secy.Finance/Chairman

9436140769

2

Dr.Vanlalrengpuia SPM,NHM

8974740995

3

Pu C.Lalmuankima DD(Admin)DHS

9862770739

4

Pi  Lalrikhumi Sailo DD(Admin)DHME

8413028947

5

Dr.Lalngura Tlau. DS(H&FW)/Member Secretary

9436155638

 Form II (1) (1).pdf

Form-I (1) (2).pdf

FAQPradhanMantriGaribKalyanPackageInsuranceSchemeforHealthWorkersFightingCOVID19 (1) (1).pdf