Mizoram Youth Commission Chairman Dr. Vanlaltanpuia, MLA chuan vawiin khan Govt. Aizawl North College Fresher’s Social, Magazine Release-cum-Graduation Day 2019, Electric Veng YMA Hall-a neih chu Khuallian niin a hmanpui.

Khuallian chuan an sawmna chu lawmawm a tih thu sawiin Principal, Faculties leh Student’s Union te chungah lawmthu sawiin, Sawrkawr chuan zirlaite a ngaipawimawh tak zet tih thu sawiin zirlaite’n harsatna hrang hrang an tawhte chu sawiin rorelna in sang bera thlen a nih thu a sawi a. Harsatna hrang hrang an tawh zingah College hmun hma duhkhawp loh chungchang te, zirtirtu indaihlohna chungchang a harsatna awmte chu a theih anga sawrkara thlen a, heng harsatna te su kiang tura theihtawp chhuah a inhuam thu a sawi a, NAAC Accredition–a Govt. Aizawl North College-in Grade ‘C’ an kai chu lawmawm a tih thu sawiin, hmasawn zel tur leh tuna an dinhmuna tawp mai lova, a aia sang an thlen theihna tur atana infrastructure mumal leh changtlung zawk an neih a duhsak thu leh theihtawp chhuah tul a tih thu a sawi bawk.
       
Khuallian chuan zirna kawnga kan khawvel mila in her rem zel a ngai tawh tih sawiin thalaite chu an thiamna hmanga hna hmu ngei tura thiamna an neih ngei a pawimawh a, value based education neih a pawimawh thu uar taka sawiin vocational, skill leh capacity courses-te pawh ngaihven leh ngaihhlut nachang hre turin zirlaite a fuih bawk a ni.