3512/2023-2024

Aizawl, 25th January, 2024 : NSS Unit, Mizoram Christian College chuan vawiin khan Pu Malsawmzuala Ralte, Mizoram Youth Commission (MYC) Chairman chu Resource Person atana hmangin, zirlaite fuihna ( Motivational talk) hun an hmang.

MYC chairman Pu Malsawmzuala Ralte chuan zirlaite chu tum (goal) mumal nei tura fuihin, tum mumal tak nen an hun tha neih hmang tangkai thiam turin a chah a. Sum chu mihring avanga lo awm a nih thu sawiin, sum harsatna indelhbehtir lo tur leh an thiltihna kawng tinrengah taima tura fuihin, chhawr tlak mi puitling a chhuah tum theuh turin zirlaite a fuih bawk.

He hun hi Vanlalpeka Rokhum, Assistant Professor, MCC in a kaihruai a. Dr. Tawnenga Principal, MCC in thu sawiin Mizo ṭhalaite tan zirna leh thawhrimna kawnga entawntlak tak MYC chairman kan nei chu vanneihthlak a tih thu a sawi. He hun hi  H. Malsawmzuali, Assistant Professor-in lawmthu sawina hun hmangin a khar a ni.