1591/2026-2027

31st July, 2026: Pu Malsawmzuala Ralte, chairman, Mizoram Youth Commission chu Dr. Mumin Chen, Taiwan ambassador office-ah lengin mizo thalaite tana hmalak ho theihna tur an sawi dun.

India-Taiwan Labor Mobility Agreement 2024 hnuaia Mizo thalai Taiwan-a hnathawk tura tirh chungchanga hmalak ho mekna sawi hovin, Pu Mumin chuan Taiwan–ah mid term election November thlaa a awm dawn avanga hmalakna a kal muan thu sawiin theihtawpa kawng an dap zel thu a sawi.

Dr. Mumin hian Mizorama kut rawn chhim paha Taiwan company hrang hrang leh Taiwan Chamber of Commerce in India te rawn zin pui a, mizo thalaite tana hnathawh theih tur remchang ngaihtuah ho ni se a ti. 

Mizoram leh Taiwan-in inlaichinna leh thawhhona tha neih zel a duh thu a sawi bawk.

Pi Jill Lai-i Taiwan embassy-a education changtu a titipui bawk a, ani hian Taiwan–a mizo thalai lehkha zir duh leh mandarin tawng zir duhte tan scholarship an neih thu sawiin, mizo thalai a tam thei angin chhawr tangkai se a duh thu a sawi. 

MYC chairman hi Delhi-a cham mek Pu Jonathan Lalremruata OSD to CM-in a tawiawm a ni.