No.4192/2021-2022

Aizawl 7th March, 2022 : Vawiin khan NEC Phase II kaltlanga Mizoram Youth Commission buatsaih 'Livelihood Generation for Returned Migrants Workers due to pandemic outbreak Covid-19' kharna chu Economics & Statistic Conference Hall-ah hman a ni.

He Food Processing Training, Mizoram Food Processing & Research Training Center, Seling-ah hman zawh tak kharna inkhawmah Mizoram Youth Commission Chairman, Dr. Vanlaltanpuia, MLA chu khuallian a ni a. MYC hi thalaite Inpui anih angin Mizo thalaite tan hian engtik lai pawhin a awm reng a, puih ngaite a pui zel dawn a ni a ti. MYC hian Mizo thalai lehkhathiamte chauh a buaipui dawn lova, mamawh apiangte tan leh eizawnna kawnga puih ngaite a theih ang anga eizawnna ngelnghet an neih theihna tur atan a ni a ti bawk. MYC chu Mizo thalaite tan zau takin a inhawng zel dawn a; Skill development leh Entreprenuership lam pawh nasa lehzualin a hawi tel zel dawn a ni a ti.

He huna tel ve MFPRTC Director Pu Joseph L.Ralte chuan Training hi vawi engemaw zat an lo kalpui tawh thin thu leh Supporting material nena sem thei awmchhun chu MYC chauh hi a ni a ti a. MYC ten an hnuaia Training chhuakte an ngaihsakna hi a ropui hle a, zirrlai chhuakte pawh hlawhtling ngei turin rilru an siam turin a chah.

Vawiin closing function-ah hian Food Processing Training zing atang pawhin thusawi ngaihthlak a ni bawk a. Mizo thalai, a bikin hna chante tana MYC hmalakna a lawmawm tak zet a, MYC-in an mangan lai taka hetiang training an buatsaih sak leh an mamawh hmanruate a pe nghal hi a thlamuanthlak takzet a nih tih an sawi.

He training-ah hian zirlai 20 te chuan tha takin an zirlai an zo thei a, zirlai te Food Processing-na tur heng hmanraw pawimawh te hi pek an ni :

1. Cast Iron Frying Pan
2. Kitchen Knife Set – Set of 4
3. Steel Trunk with Cover – 25 Litres
4. Steel Plates – 5 Litres
5. Plastic Crates
6. Manual Juicer
7. Poly Pouch Sealer Size – 8.5 inch
8. Food Grade 100 micron Poly Pouch 100g
9. Food Grade 100 micron Poly Pouch 250g
10. Food Grade pet Bottle with Cap (250 ml)
11. Food Grade pet Bottle with Cap (1000 ml)