No.4191/2021-2022

Aizawl 7th March, 2022 : Dr. R. Lalthangliana, Commerce & Industries Minister chuan vawiin khan MSME ta tana Interest Subvension Scheme Commerce & In­dustries Conference Hall-a neih chu a hmanpui. He hunah hian Pi Florence Zotluangpuii, MCS, Director, Commerce & Industries chu khual zahawm a ni.

Dr. R. Lalthangliana chuan vawiin hi MSME te tan ni lawmawm tak a ni, an sum dawnte tarn lo mahse enterpreneur ten an loan lak interest tlema a phuhruk a beisei thu a sawi. Kan hriat theuh angin COVID -19 hripui leng avangin khawvel a buai a, India ram leh Mizoram thlengin kan buai a, sawrkar in hripui beihlet nan leh hri darh zel tur ven nan total lockdown te, partial lockdown te leh thil dang dang ti chhuakin theih tawpin hma a la a. Hemi avang hian nunphung a khaihlak a, hnathawk thei lo in kan awm a. Chutih rual chuan MSME Unit ten Bank atanga loan an lak interest a kal reng si a, an tan phurrit a tling a. Hei hi Mizoram sawrkar chuan hria in MSME Unit te Bank loan interest rip lutuk chhawk zangkhai nan Interest Subvension for MSME a duang chhuak ta a ni, a ti.

Minister chuan Lengte a Industrial Growth Centre khu humhalh a pawimawh zia sawilangin helai hmun hi cheibawla street light, fencing, internal road te siam a tul a ni a ti.

Vawiin inkhawm hi Pu R. Laltanzuala, General Manager, District Industy Centre in a kaihruai a. Interest Subvension hnuaiah hian MSME Unit ten term loan leh work­ing capital loan atanga interest an rulh tur 3% p.a. a subsidy pek nise tiin a rel a. He Interest Subvension for MSME hnuaiah hian MSME Unit 180 te hnenah Rs. 46,20,831/ - tunah hian tanpuina semchhuah a ni.