No.3447/2021-2022

Aizawl the 17th December, 2021 : Mizoram Youth Commission chuan thalaiten tualchhunga IAS Coaching man man zawka an kal theihna turin 11th December, 2021 khan Centre 4 - Aizawl, Lunglei, Siaha leh Kolasib - ah te mi 100 tan ‘IAS Hybrid Coaching Scholarship Exam’ a buatsaih chu ni 15th December, 2021 khan New Delhi-a expert scrutiny tih zawh hnuah vawiin ni 17th Decebemr, 2021 khan exam result hi MYC Chairman Dr. Vanlaltanpuia’n MYC Conference Hall-ah a puang. IAS Hybrid Coaching Scholarship Exam result hi MYC website myc.mizoram.gov.in emaw Centre 4 emawah te a duh atan en theih a ni.

Vawiina IAS Hybrid Coaching Scholarship Exam result puannaah MYC Chairman Dr.Vanlaltanpuia chuan he IAS coaching hi offline leh online-a kalpui tur a nih avangin ‘hybrid’ tia hming phuah a ni a, hei hi sorkar hmalakna lian tak pakhat a ni a ti. He Mega Scholarship programme atana mi 100 (Aizawl-60, Lunglei-20, Siaha-10, Kolasib-10) thlanchhuahte chu an Centre-ah theuh zirtirna pek an ni ang a, Centre thutchilhtu tur pawh dah an ni dawn tih MYC Chairman hian a sawi bawk. All India Services hi zan khat thilthuah hlawhtling nghal a har a, exam beitute an mimal dinhmun leh thiamna azir a ni a, MYC chuan exam atana tha taka an inbuatsaih theihna tura theihtawp chhuah saktu ‘facilitator’ hna a thawk ber zawk a ni a ti. Mizo thalaite zingah All India Services exam hi a lar tak vak loh avangin MYC chuan thalaite sukthlek her danglam theih khawpa tanlak chho zel a tum thu leh All India Services chi hrang hrang exam hi Mizo thalaite zingah ‘trending’ turin siam a tum a, chi tha a tuh mek a ni tiin vawiina chanchinthar lakhawmtu kalkhawmte hmaa sawiin media pawhin theihtawpin lo thlawp a, hemi kawnga an hmalaknate chu puanzar zel turin a sawm bawk.

Nakumah MYC kaltlang bawkin ‘Super 40 Programme’ kalpui leh tum a nih thu sawiin MYC Chairman Dr. Vanlaltanpuia chuan heng thlanchhuah tur mi 40-te chu ramchhunga IAS Coaching hmun tha leh lar ber berahte dah tum a nih thu a sawi a. Mizo thalaiten tualchhungah ngei chhiar tur lehkhabu tha tak tak dahna tur ‘IAS Corner’ pawh State Library-ah tihchangltlun mek a ni tih a sawi bawk.

Attachment

  • Loading attachment...