4393/2025-2026

11th February, 2026 : Vawiin khan Pu Malsawmzuala Ralte, chairman, Mizoram Youth Commission chu Falkland-a Army Recuitment Office-ah lengin, Colonel Prakash Kumar Singh, Director, Army Recruitment Office nen thawhho dan tur an sawi dun.

Army Recruitment Office hian kum tin sipai lak runpui an buatsaih thin a. Mizo thalai tam zawk sipaia an luh theihna turin, Army Recruitment Office leh MYC in thawhho an rel a ni.

MYC-in Mizo thalai sipai hna dil tur huikhawm/mobilisation an ti ang a, online-a dilna form an thehluh tur leh, exam an hmachhawn tur atan computer hman dan an zirtir ang. Online exam an paltlang theihna turin coaching class an buatsaih sak bawk ang.

Sipai a lut tur hian pawl 8, pawl 10, pawl 12 leh BA pass te tan a dil theih dawn a, dilna hun hawn a nih ve leh MYC in hriattirna a chhuah dawn a ni. Online exam zawhah physical test neih a ni ang.

MYC leh ARO thawhhona turah hian MoU buatsaih a, peih fel a nih ve leh ziah a ni ang.

MYC chairman hi Pi V Lalmuanpuii, Secretary-in a tawiawm a ni.