Mizoram Youth Commission hnuaia Sipai lak runpui inbuatsaihna neih tan niin vawiin khan MYC Training Hall-ah Pre-Army Recriutment Rally Medical Screening chu kalpui tan a ni. 

He sipai lak runpui atan a pre medical screening hi Aizawl, Serchhip leh Champhai district ah vawiin khan neih a ni a, Aizawl ah hian diltu mi 363 zingah tlai dar 2 thleng khan mi 160 check an ni a, Serchhip ah hian diltu 147 an awm  a, vawiin  khan mi 72 check hman an ni. Champhai ah hian dilna a la lut mek a, vawiin ah khan mi 34 in medical test hi hmachhawn in heng district ah te hian naktukah chhunzawm leh tur a ni.              

MYC Army Pre-Recruitment Medical screening hi Siaha, Mamit, Lawnglai leh Kolasib lamah karleh chhung hian neih leh tur in ruahmanna a kal mek a, Lungleiah chuan naktuk hian neih tan tur a ni thung a ni.  

MYC hnuaia pre-recruitment medical screening paltlang te hi trainer leh faculty thiam tak tak te zirtirna hnuaiah Army Recruitment October thla a neih tur atan zirtirna leh training an dawng dawn a ni.