Mizoram Youth Commision Chairman Pu Joseph Lalhimpuia chuan MYC Young Achiever’s Award State Level Selection Committee thutkhawmnaah  Mizoram thalaite kum 40 hnuailam zingah an kalna lama mi hlawhtling- mahni zirna, hnathawhna, eizawnna kawng leh mawhphurhna hlen chhuak tha, ngaihsan awm leh midangte tana entawntlak zawn chhuaha, MYC Young Achiever’s Award dawng tlaka ngaihte chu thlan chhuaha chawimawi an nih tur thu sawiin cheng nuai 1 pek an nih tur thu a sawi a. Hemi atan hian District Level Search Committee Chairman atan Deouty Commissioner-te ruat an nih thu a sawi a. MYC Young Achiever’s Award dawng thei tur hi May 2018 chhungin district tin atangin nomination siam fel a ni ang a, June 2018-ah dawng turte thlan fel beisei a ni.

MYC Incentive Cash Award Scheme Screening and Selection Committee thutkhawmna MYC Chairman hovin neih a ni bawk a. He hunah hian dilna hrang hrang an dawn tawh thlirhona neiin dawng tlak ngeiin a rang lamin Incentive Cash Award hi pek tum ni se tiin an rel a. He scheme-a la tello NEET Super Specialist-a tling zir leh chu telh ve ni se tiin Scheme a telh tawh UPSC Main Examination-a tlingte dawn zat tur pawh tihsan tura rawtna siam a ni.