4618/2024-2025

Dated Aizawl the 12th March, 2025 : Vawiin chawhma dar 11:00 khan MZERC Chairperson, Pu Benjamin  L. Tlumtea kaihhruaiin,  Power & Electricity Department-in FY 2025-26 atana electric hman man (Electric tariff) thar chungchanga a rawtna kaihhnawihah Public Hearing chu Aijal Club-ah neih a ni a. He hunah hian, bituk chhunga rawtna leh sawiselna thu thlente bakah P&E Department-in an chhanna te ngaihthlak a ni.

Kum kal mek FY 2024-2025 leh kum hmasa FY 2023-24-ahte khan Electric hman man hi tihsan a lo ni tawh lova, tuna P&E , Department-in rawtna a thehluhah pawh hian electric hman man hrang , hrangte hi tihsan rawtna siam a ni lova, mipui atanga Revenue mamawh  zat (ARR) a hmuh tlin lohna hi Sawrkar-chuan subsidy-in a hnawh khat zawk mai dawn a ni.

Multi-Year Tariff Regulations, 2014-in a phut angin Power & Electricity Department chuan kum tinin mipui hnena Kawlphetha pek chhuah nana sum leh pai a mamawh dan (Aggregate Revenue Requirement) leh Electric hman man bithliah (electric tariff) chungchanga a rawtnate chu Commission-ah a theh lut thin a. Heng rawtnate hi chanchinbu hrang hrangah chhuah niin, mipui vantlang (consumers leh stakeholders)-te hnen atangin  sawiselna thlen duh emaw, thurawn pe duhte tan hun hawn thin a ni a. Sawiselna thlen duh emaw  thurawn pe duhte chuan Secretary, MZERC hnenah ziakin , (Affidavit hmangin) an thehlut leh thin a ni.

Tun Tumah hian Hun tiam chhungin Pu Vanlalruata, Tuikual South leh Pu Thanglura, President, Mizoram Consumers’ Union , te chuan rawtna an thlen a. Heng rawtna lutte leh  zirchianna hrang hrang a kalpuite beh chhanin Commission (MZERC) chuan, kum thar, FY 2025-26 atana Sawrkar pek tur subsidy leh Electric hman man  hrang hrangte hi a bithliah thar leh dawn a ni.