4617/2024-2025

Dated the 12th March, 2025 : Silchar-ah Chapchar Kút Celebration Committee buatsaihin, Vau thla tahrik ni 8, 2025 (Inrinni) khán Sabitri Bhavan, Opposite Mizoram House Silchar-ah Chawhma dar 11 khan hman a ni a. Pu R Lalngheta chu 'Kút Pa' niin, Pu Lalhmingliana DRC Mizoram House chu Kút thlengtu a ni.

Silchar-a Chapchar Kút hmannaah hian Celebration Committee in an sawm angin Silchar-a Zohnahthlak pawl hrang hrang awm, Zomi Welfare, Hmar Student Association Silchar, Kuki Student Organisation, Ranglong Student Association, Chorei Student Association leh Barak Valley Branch YMA dinna khaw hrang hrang te chu an tel thei a, kan unaute hian hnam lam leh items hmuh nawm tak tak an rawn entir thei bawk a ni. Vairengte Joint YMA leh Joint VC te kan sawm angin min hmanpui turin an rawn tel thei bawk a. Silchar-a News Reporters-te pawh sawm an nih angin min rawn telpui bawk.

Zaithiam sawm bikte Mathlenga, Mercy Zathang, HT Lalthanzami (Zamzami) ten kalkhawmte zaiin an awi a, Chapchar Kút niah hian kumdanga lo tih thin angin ZONU, ZOPA, VALTINKHUMA, LENGTINKHUMI, BUNGDAWNTUAIA, BUNGDAWNTUAII te thlanna hun hman tel a ni a, hemi thlante hi zo dress lama inthuam bikte leh an mizia/nungchang ațanga thlir chunga thlan chhuahte an ni. Heng thlan chhuahte hi Trophy leh Pawisa fai lawmman atan pék an ni. Chapchar Kút pual hian tlaiah kalkhawm zawng zawngte tan Celebration Committee buatsaih ruai Mizoram House kawtah kil ho nghal a ni a. Silchar-ah Chapchar Kút hi Mizo awm ang angte leh zohnahthlakten kan hlut thin hlệ a. Mipui kal pawh kan tha thin hle bawk.