Thingtlang mite retheihna atanga khai chhuak tura Self help Group kaltlanga hmalatu, Mizoram State Rural Livelihoods Mission(MzSRLM) chuan an Mission Director, Pu Lalrinliana Fanai, Commissioner, RD hovin vawiin khan Aizawl I & PR Auditorium-ah State Level 2nd CRP Round Debriefing programme an hmang.
He programme-ah hian Bilkhawthlir, East Lungdar, Serchhip & Thingdawl RD Block-a Block Mission team ten October ni 10 - 23rd November 2014 chhunga beihpui an thlakna report an pe a. Report-a an tarlan danin heng Block 4-ah hian Self Help Group 710 a awm tawh a. Tun tuma ni 45 chhung beihpui an thlaknaah hian khaw thlan bik neiin chhungkua zawng zawng an tlawh chhuak a, heng khuaa Self Help Group zawng zawng hnenah uluk takin training an pe vek a ni.
Vawiina State Level Debriefing programme an hman hma hian nimin khan Kolasib leh Serchhip-ah Deputy Commissioner hovin District Level Debriefing programme an lo hmang tawh bawk a ni.
