Tukin zing khan Kolasib District chhunga NLUP hmalakna tlangpui Pu. Lalfela Sailo Addl. DC Nodel Officer NLUP ni bawk hovin Kolasib khawpui chhunga hma laknate en ho a ni a. Pu. David L. Thangliana Chief Media Officer kaihhruaina hnuai ah NLUP hlawhtlinpuitute kawmna hun neih nghal a ni. NLUP vawk vulh a hlawhtling Pu Lalduhawma Forest tlang, leh Bawngvulha hlawhtling Pu Laldingngheta Khuangpuilam te kawmin, Vety Department hnuaia Bawnghnute sawngbawlna(KOMUL) hmun pawh tlawh nghal a ni.

Zing dar 9:30 ah Pu Lalfela Sailo Addl. DC. Kolasib District NLUP Nodel Officer hovin Line Department hrang hrang hote nen meeting neiin, Documentary film atana tihlan tur thlangchhuak in, Kolasib Industry Carpentry thlangtute pahnih Lalvuana s/o Thandanga Steel fabrication leh Lalenghluna s/o Zamliana Capentry thlangtute hmalakna endikin, Bairabi road zero point-a Pu Saprinpuia Rubber huan leh Soil Department hmalakna leh Forest Department thlangtu Mau chinna te enin, Agriculture Department in Buhchangphai a, Lalthanzama WRC en in Phaisen a OIL PALM chinna te an en hnuah Vairengte ah riak in kuhva chingtute leh Soil Department nursery te an en hnuah Chemphai a sangha khawina an en leh dawn a ni.

Chief Media Officer(CMO) hi MJA member te leh officer pawimawh ten an tawiawm tha hle a ni.