No.2176/2020-2020

Lawngtlai, Nikir thla ni 18, 2020: Vawiin khan MzSRLM Sangau RD Block hnuaia khaw panga - Pangkhua, Thaltlang, Bualpui NG-I, Bualpui NG-II leh Sangau-II Village Organisation (VO)-te chuan Lawngtlaia quarantine facility-a awm mekte ei in mamawh phuhruk nan Lawngtlai District Level Task Force (DLTF) kutah chawhmeh leh thei eng emaw zat an hlan.

Vawiina thilpek an hlan hi bawkbawn kg 70, hmarcha kg 50, theihai pum 360, theite parcel 1, antam tel 430, anthur tel 15, maian tel 6, phuihnam kg 120, bean kg 21, samtawk kg 5, thingfanghma pum 10, iskut, maitamtawk, dhania leh nimbu te a ni a. Thilpek hi Lawngtlai DRDA Project Director Pi Marilyn Rualzakhumthangi'n hlanin, Lawngtlai Bawrhsap Dr Andrew H. Vanlaldika'n a lo dawng a ni.

Lawngtlaia quarantine facility-a ei in mamawh phuhruk nana chawhmeh leh thei petute chungah Lawngtlai DLTF chuan lawm thu a sawi a ni.