Vawiin khan Indian Council of Small Industries (ICSI), Dept. of Extention Education & Rural Development, Mizoram University leh Mizoram Entrepreneurship Network te chuan "Driving the People of Mizoram to Self-Employment" tih thupui hmangin seminar  Mizoram University Conference Hall-ah an buatsaih a.Mizoram Governor  Lt. General (Rtd) M.M. Lakhera, PVSM, AVSM, VSM chu khuallian niin Seminar hi a hawng a ni.

Governor chuan Mizoram a lehkhathiam hna nei lo tam tak te tan a sorkar hna chauh nilo eizawnna tha dang   kawhhmuh a pawimawhzia sawiin chu mi hawizawng a Seminar buatsaih a ni chu lawmawm a tih thu a sawi a. Mizoram hmasawnna tur leh mipuite mamawh phuhru tur chuan zirna in hrang hrang te, tlawmngai pawl  te leh sorkar in  thawh hona tha an neih a tul a ni, Governor chuan a ti a. Ziah leh sawi a tawp ringawtin awmzia a nei lo va, taima leh rinawm taka thawh a ngai a ni tiin Governor chuan kalkhawm te chu mithiam te thusawi ngaithla liam mai lova tangkai taka hmang turin a fuih a ni.

He Seminar ni khat awh tur hawnna inkhawm hi ICSI Secretary General Prof. K.K. Sarkar chuan kaihruaiin Prof. A.N. Rai, Vice Chancellor Mizoram University, Pu Benjamina, Registrar, Mizoram University leh Dr. Ajeya Jha, HOD Management Studies, Sikkim Manipal Technology, Sikkim te chu khual zahawm an ni a. Chawhnu lam Technical Session ah chuan Prof. Lianzela, Department of Economics, Mizoram University, Dr. Ajeya Jha, HOD Management Studies, Sikkim Manipal Technology, Sikkim, Pu R.K Dhamija, Director, KVIC, Mizoram, Pu Lalzabiaka, Dy. Director Industries Dept., Govt. of Mizoram, Mr D.S. Kambhre, Assistant Director, MSME- Development Institute, Mizoram, Pu Joseph L. Ralte, Mizoram Entrepreneurship Network and Prof. K.K. Sarkar, Secretary General ICSI te paper buatsaih zirho na hun hman a ni.