Vawiin chhun khan 2nd Mizoram Youth Parliament Competition, 2010 kharna leh lawmman semna Vana Pa Hall-ah neih a ni a, Larsap Lt. Gen. (Rtd) M.M.Lakhera, PVSM,AVSM,VSM chuan khuallian niin a hmanpui a, khualzahawm atan Pu R.Romawia, Speaker, Mizoram, Pu Lalsawta, Minister, Parliamentary Affairs Department leh Pu Chawngtinthanga, Parliamentary Secretary te hman an ni.
Larsap chuan Mipui rorelna (Democracy) ramah chuan mipui ten dikna leh chanvo (Rights) kan nei a, Democracy puitlingah chuan mipuiten hei hi kan hrechiangin dik taka hman kan thiam tur a ni a ti a, mipuiin roreltura kan thlan chhuahten Ram rorelna sang ber (Legislative Assembly) a hna an thawh dan kalphungte pawh hi kan hriat makmawh anih thu sawi bawk. midangte nena kan indawrna reng rengah inhriatthiamtawnna a pawimawh thu sawiin, kan thusawite hi kan hriatthiam dan ang bawka midangten an hriatthiam theih turin kan sawichhuak thiam tur a ni a ti a, harsatna sukiang tur pawhin thu leh hla inngaihthlak sak tawn a inngaihchan tawn thiam a pawimawh a ni a ti bawk.
Larsap chuan Mizoram Legislative Assembly a kan roreltute awmdan chu India ram State dangte nen khaikhin chuan an zahpuiawm lo hle a ni a ti a, memberte pawh inthlahdah lova hei hi vawng nung reng turin leh State dangte tana entawn tlaka awm reng tura a duh thu a sawi bawk. Larsap chuan Youth parliament Competition a tel zirlaite leh programme chhimtu zawng zawngte chu khua leh tui an nih na anga an chanvo (Rights) leh mawhphurhnate hrechianga hlen thin turina chah a, tharum thawhna hian engmah sawtna a thlen loh avangin a zai ngai leh zahawm zawka harsatna te pholan thiam a pawimawh a ni a ti bawk.
Larsap hian a thusawi zawh hian Youth Parliament intihsiaknaa High School leh Higher Secondary School Sikul tithate hnenah lawmman a sem nghal bawk ani.
Assembly Speaker Pu R.Romawia pawhin House-a rorelna kalpui dan kalphung a sawifiah a, zirlaite leh thangtharte chu ram nghahfak an nih avangin tun atanga ram hruaitute rorel dan kalphung zirchiang a roreltute zah thiam turin a chah nghal a, Youth Parliament Competition hi hruaitu tha, rinawm leh taima, entawntlak chher tura zirlaite buatsaihna kawng pawimawh tak anih thu a sawi bawk.
Parliamentary Affairs Department changtu Minister Pu Lalsawta pawhin democracy kalphung sawifiahin he programme hian zirlaite hnenah dawhtheihnate, mahni inrintawkna leh khua leh tui tha nihna kawngah nasa takah hmasawnna a thlen a beisei thu a sawi bawk.
Youth Parliament Competition, 2010 hi Mizorama a vawihnih na niin Parliamentary Affairs Department, School Education Department leh Mizoram State Legislative Assembly Secretariat tanghovin an buatsaih a ni a, High School zirlaiten mizo tawnga intihsiakin, Higher Secondary School zirlaiten Saptawngin intihsiakna hi an bei a ni. intihsiakna hi August ni 17, 2010 leh September ni 1, 2010 inkar khan District hrang hrangah neih a ni a, heng District tina pakhatna theuh te hian September ni 2 leh ni 3, 2010 khan Aizawlah an intihsiak leh a ni. High School leh Higher Secondary School pakua ve ve ten final round ah intihsiakin hetiang hi an dinhmuh chu a ni :
High School Category (Mizo) :
1st : Hmar Veng H/S, Kolasib
2nd : Govt. Champhai H/S, Champhai
3rd : Govt. H/S, Saiha
Higher Secondary School Category (English) :
1st : St. Paul's H.S.S, Aizawl
2nd : Baptist H.S.S, Serkawn, Lunglei
3rd : Govt. G.M. H.S.S, Champhai
Hei bakah hian mimal tithate hnenah lawmman pakhatna atanga pathumna thleng heng category : Speaker, House Leader, Opposition Leader, leh Debator ahte sem ani bawk a, lawmmante hi Assembly Speaker Pu R.Romawia leh Parliamentary Aiifairs Department Minister Pu Lalsawta ten an sem a, Pu Chawngtinthanga, parliamentary secretary pawhin Organising Committee leh Judge te hnenah lawmman a sem bawk a ni.
He inkhawmah hian MLA, Parliamentary Secretary leh Sawrkar mi pawimawh engemawzat an tel a ni.
Larsap chuan Mizoram Legislative Assembly a kan roreltute awmdan chu India ram State dangte nen khaikhin chuan an zahpuiawm lo hle a ni a ti a, memberte pawh inthlahdah lova hei hi vawng nung reng turin leh State dangte tana entawn tlaka awm reng tura a duh thu a sawi bawk. Larsap chuan Youth parliament Competition a tel zirlaite leh programme chhimtu zawng zawngte chu khua leh tui an nih na anga an chanvo (Rights) leh mawhphurhnate hrechianga hlen thin turina chah a, tharum thawhna hian engmah sawtna a thlen loh avangin a zai ngai leh zahawm zawka harsatna te pholan thiam a pawimawh a ni a ti bawk.
Larsap hian a thusawi zawh hian Youth Parliament intihsiaknaa High School leh Higher Secondary School Sikul tithate hnenah lawmman a sem nghal bawk ani.
Assembly Speaker Pu R.Romawia pawhin House-a rorelna kalpui dan kalphung a sawifiah a, zirlaite leh thangtharte chu ram nghahfak an nih avangin tun atanga ram hruaitute rorel dan kalphung zirchiang a roreltute zah thiam turin a chah nghal a, Youth Parliament Competition hi hruaitu tha, rinawm leh taima, entawntlak chher tura zirlaite buatsaihna kawng pawimawh tak anih thu a sawi bawk.
Parliamentary Affairs Department changtu Minister Pu Lalsawta pawhin democracy kalphung sawifiahin he programme hian zirlaite hnenah dawhtheihnate, mahni inrintawkna leh khua leh tui tha nihna kawngah nasa takah hmasawnna a thlen a beisei thu a sawi bawk.
Youth Parliament Competition, 2010 hi Mizorama a vawihnih na niin Parliamentary Affairs Department, School Education Department leh Mizoram State Legislative Assembly Secretariat tanghovin an buatsaih a ni a, High School zirlaiten mizo tawnga intihsiakin, Higher Secondary School zirlaiten Saptawngin intihsiakna hi an bei a ni. intihsiakna hi August ni 17, 2010 leh September ni 1, 2010 inkar khan District hrang hrangah neih a ni a, heng District tina pakhatna theuh te hian September ni 2 leh ni 3, 2010 khan Aizawlah an intihsiak leh a ni. High School leh Higher Secondary School pakua ve ve ten final round ah intihsiakin hetiang hi an dinhmuh chu a ni :
High School Category (Mizo) :
1st : Hmar Veng H/S, Kolasib
2nd : Govt. Champhai H/S, Champhai
3rd : Govt. H/S, Saiha
Higher Secondary School Category (English) :
1st : St. Paul's H.S.S, Aizawl
2nd : Baptist H.S.S, Serkawn, Lunglei
3rd : Govt. G.M. H.S.S, Champhai
Hei bakah hian mimal tithate hnenah lawmman pakhatna atanga pathumna thleng heng category : Speaker, House Leader, Opposition Leader, leh Debator ahte sem ani bawk a, lawmmante hi Assembly Speaker Pu R.Romawia leh Parliamentary Aiifairs Department Minister Pu Lalsawta ten an sem a, Pu Chawngtinthanga, parliamentary secretary pawhin Organising Committee leh Judge te hnenah lawmman a sem bawk a ni.
He inkhawmah hian MLA, Parliamentary Secretary leh Sawrkar mi pawimawh engemawzat an tel a ni.
