Vawiin chawhma dar 10 khan Champhai Town Hall-ah 9th Inter District Karate Championship 2010 chu khelh tan a ni a. Champhai North Bialtu MLA Pu T.T. Zothansanga chuan Mizoram pum huap karate inelna neih tan tak hi a hawng a, lawmman thenkhat a sem nghal a ni.
Hawnna inkhawm Pu Lalrinthanga, Champhai District Karate Association President kaihhruaiah hian thu sawiin khuallian Pu T.T. Zothansanga chuan kan hunlai chuan lehkha zir chauh hi eizawnna neih theih nana hmantlak niin kan nu leh pate khan an hria a, infiamna pawh Mizo infiamna ang chi deuh chauh kha kan nei thin a. Tunah erawh chuan infiamna chu eizawnna tlak a lo ni tawh a, ruihtheih thil leh ruihhlo avanga Mizorama mi 1800 vel lai ten nunna an chan tawh laia thalai ten ruihhlo kalsan a, hetianga infiamna lama an kal thei ta hi a lawmawm takzet a ni, a ti a. Karate leh combat games lam hi Mizote tan khawvela lan theihna chance tha tak a ni a, khawvel huapa lang thei khawp Champhai khaw mi ngei tunhnai lawka pahnih kan nei thei te hi a ropui takzet a ni tih sawiin, hlawhtlinna nei tur chuan mahni inthunun theihna (discipline) a pawimawh a, chu chu infiam mite tan a ni zual bik a ni. Pathianin min siam leh duan anga kan nihna ang taka kan lanchhuah theih na mai bakah kan hriselna atan pawh discipline hi a pawimawh a ni, a ti. Infiammite chu tha tak leh hlawhtlinna duhawm tak nei tura chahin he inelna hi a hawng a ni.
Thusawitu dang Pu C. Dosavunga, AMKA Vice President chuan Mizoram tihmingthatu leh khawvel huap pawha lang thin Combat Games lam hian ngaihthah an hlawh deuh nia a hriat thu sawiin, major games lamin ngaihven an hlawh hle laia Combat Games chuan zirna hmun an neih loh avangin mi bathlar leh hmun remchang zawnga tun thlenga an la vahvaih thu a sawi a. Sorkar in duhsak taka bungrua Rs. Nuai 1.6 zet an pek avangin an lawm hle tih a tarlang a. Champhai District Karate Association hnenah district te hnena a hmasa ber atan Karate hmanrua chi hrang hrang Rs. 10,950 man an pe nghal a ni. Pu C. Dosavunga chuan sorkar-ah an training na hmun tur an dil chu tun thlenga a hlawhtlinna an la hmuh loh thu tarlangin, tunhnaiah pawh Assam Rifles ten an chhuahsan tur hmuna an cinema hall bulah ram metre 30 a zau an dil thu leh an training na tur building sakna pawh an ngaihtuah theih tur thu an sawi laiin hlawhtlinna an la hmuh theih loh thu a tarlang a. Sorkarin duhsak taka hmanrua an pekte chu a lawmawm hle laiin a dahna tur hmun tha, training centre ang chi an la neih loh avangin leh mi hmunhma hawha an la kal ve mek lai a nih avangin a riral leh chhiat mai a hlauhawm a, heng bungrua tha tak hi a dahna tur takngial pawh tun thlenga an la neih zawh loh thu bakah baihvai taka an la kal mek thu a tarlang bawk.
He inelna neih takah hian Mizoram hmun hrang hrang atangin infiammi 156 an kalkhawm am heng karate player te hian naktip hian inelna hi zo fel thei tura ruahman a ni a. AMKA Hqrs. atangin hruaitu pahnih bakah he inelna-a official tur te mi 18 an lo kal a. Kolasib district tih loh district dang zawng atangin infiammi an lo kal kim vek a. District hrang hrang atanga he inelna nei tura player lokal zat chu hetiang hi a ni.
District Mipa Hmeichhia Total
1. Champhai 59 8 67
2. Aizawl 33 7 40
3. Lunglei 22 13 35
4. Serchhip 4 1 5
5. Lawngtlai 2 2 4
6. Saiha 2 Nil 3
7. Mamit 2 Nil 2
TOTAL 125 31 156
Thusawitu dang Pu C. Dosavunga, AMKA Vice President chuan Mizoram tihmingthatu leh khawvel huap pawha lang thin Combat Games lam hian ngaihthah an hlawh deuh nia a hriat thu sawiin, major games lamin ngaihven an hlawh hle laia Combat Games chuan zirna hmun an neih loh avangin mi bathlar leh hmun remchang zawnga tun thlenga an la vahvaih thu a sawi a. Sorkar in duhsak taka bungrua Rs. Nuai 1.6 zet an pek avangin an lawm hle tih a tarlang a. Champhai District Karate Association hnenah district te hnena a hmasa ber atan Karate hmanrua chi hrang hrang Rs. 10,950 man an pe nghal a ni. Pu C. Dosavunga chuan sorkar-ah an training na hmun tur an dil chu tun thlenga a hlawhtlinna an la hmuh loh thu tarlangin, tunhnaiah pawh Assam Rifles ten an chhuahsan tur hmuna an cinema hall bulah ram metre 30 a zau an dil thu leh an training na tur building sakna pawh an ngaihtuah theih tur thu an sawi laiin hlawhtlinna an la hmuh theih loh thu a tarlang a. Sorkarin duhsak taka hmanrua an pekte chu a lawmawm hle laiin a dahna tur hmun tha, training centre ang chi an la neih loh avangin leh mi hmunhma hawha an la kal ve mek lai a nih avangin a riral leh chhiat mai a hlauhawm a, heng bungrua tha tak hi a dahna tur takngial pawh tun thlenga an la neih zawh loh thu bakah baihvai taka an la kal mek thu a tarlang bawk.
He inelna neih takah hian Mizoram hmun hrang hrang atangin infiammi 156 an kalkhawm am heng karate player te hian naktip hian inelna hi zo fel thei tura ruahman a ni a. AMKA Hqrs. atangin hruaitu pahnih bakah he inelna-a official tur te mi 18 an lo kal a. Kolasib district tih loh district dang zawng atangin infiammi an lo kal kim vek a. District hrang hrang atanga he inelna nei tura player lokal zat chu hetiang hi a ni.
District Mipa Hmeichhia Total
1. Champhai 59 8 67
2. Aizawl 33 7 40
3. Lunglei 22 13 35
4. Serchhip 4 1 5
5. Lawngtlai 2 2 4
6. Saiha 2 Nil 3
7. Mamit 2 Nil 2
TOTAL 125 31 156
