Nithum chhung awh tur Saiha District "Women PYKKA Tournament-2010" chu vawiin chawhma dar 10 : 30 khan District Playground, Saiha-ah hawnna inkhawm neih ani.

He Tournament hawnna inkhawm hi Pi K.Pari, President, M.CH.P. Headquarters, Saiha chuan a kaihruaia, Pi Suman Goyal IPS, Superintendent of Police, Saiha chuan khuallian niin a hmanpui. He Tournament hawnna inkkhawma lo kalkhawmte lawmna thuchah Chairperson in a sawi hnu-ah Pu Zokhai Khuhly, Secretary, Saiha District Sports Committee chuan report tawi a pe ani.

Thusawiin khuallian chuan hmeichhia te hi mipa te ang bawkin sports items chi hrang hrangte pawh kan ti thei veka, hmeichhia kan nih vang maia in dah hnuai lovin sports ah reng reng taksa aiin rilru huaisenna hi a pawimawh zawk ani, a ti a. Rilru thianghlim tak pu a sports items hrang hrangte ti tur leh Saiha District mai pawh nilo Mizoram mai pawh nilo India ram pawh ti hmingtha theitu kan nihna hre reng chunga rilru leh thinlung tak tak a sports items te nei tur leh hmasawn tum turin a chah a. Sports chi hrang hrang te hi taksa hriselna maipawh nilo rilru hrisel nan pawh a tangkai em em ani a ti bawk.

He Women PYKKA Tournament, 2010 ah hian Saiha District chhung khua leh veng hrang hrang atangin hmeichhia infiammi engemaw zat an tel ani.