NE State hrang hranga sorkar hnathawk te chuan Central sorkar hnathawkte ang bawk a 7th pay an hman ve thuai theih nan thawhhona thuthlung an lo siam tawh bawhzui turin dt 25/8/2016 hian Guwahati ah an inhmukhawm dawn.
He Meeting-ah hian Hmarchhak state hrang hrang atangin Sorkar hnathawk hruaitute kokim takin an tel dawn a. A tul dan angin a huho a Central sorkar leh State sorkar nawr dan tur an rel ang.
He Meeting hi All India State Govt Employees Federation (AISGEF) hriatpuina a neih tur a ni a. AISGEF hotute pawhin an telpui ang.
Mizoram atangin FMGE&W hruaitu pahnih, Er R Lalrammawia, Secy General leh Pu J Ramdinmawia, Addl SG te he Meeting ah hian kal dawn a ni
