An College endik tura Pachhunga University College (PUC) ten an sawm avanga lo kal National Assessment & Accreditation Council (NAAC) member 3 te chuan vawiin tlai 4:30 khan PUC Auditorium-ah zirlai nu leh pa leh he college a lo zir tawh te nen inkawm hona hun an hmang a. Zirlai hlui lo ni tawh Mizoram Chief Minister Pu Lal Thanhawla chuan hmanpuiin PUC chu Mizorama College hmasa ber anih avanga zirlai tam tak chherchhuaktu anih thu te, ram rorelna, khawtlang, kohhran leh sorkar-ah pawh hruaitu, mi pawimawh leh langsar tak takte hringtu a ni a ti a. College tana NAAC in hmalak a tumna kawngah Mizoram sorkar chu a tul ang apianga lo tawiawm a lo thawhpui turin a inhawn thu a tarlang bawk.
NAAC Member-te chuan College dinhmun dik tak endik tura lokal an nih thu an sawilang a. Kalkhawm zirlai hlui leh nu leh pa te chuan PUC ah chuan Mass Communication Department, Management Course, Information Technology Course, Research Unit, Hindi Education, Student's Recreational Programme leh thil dang tul an tihte NAAC hnenah hian an thlen a, College mamawh leh tih changtlunna turte sawihona hun tha tak an hmang ho a ni.
College zirlaite chuan hnam lam hmuhnawm tak tak an entir bawk a. He programme hi sorkar, khawtlang leh kohhran mi pawimawh tak takten an hmanpui a ni.
College zirlaite chuan hnam lam hmuhnawm tak tak an entir bawk a. He programme hi sorkar, khawtlang leh kohhran mi pawimawh tak takten an hmanpui a ni.
