Tiny Tots School, Tuikhuahtlang chuan an School din champha vawi 25na (Silver Jubilee) vawiin khan Vanapa Hall-ah an lawm a. Parliamentary Secretary Pu Lal Thanzara chu khuallian a ni.
Pu Lal Thanzara chuan zirlai naupang kalkhawm te chu nakin lawk a ram leh hnam hruaitu tur te an nih avangin fimkhur tak a nung a zuk leh hmuam, ruihtheihthil laka fihlim turin a chah a, School a nungchang mawi an zir thin chu inchhungah leh khawtlangah chhawm nung turin a fuih a ni. Parliamentary Secretary chuan hlawhtling tur chuan naupanlai atanga tum mumal nei a lehkhazir a tul a ni, a ti a. Zirtirtute pawh naupang te kutthlak lova, chetzia leh tawngka a thunun zawk turin leh zirlai chak lo leh tuanfum bik, harsatna nei te khai chhuak turin mawhphurhna an nei lian hle a ni a ti a. Sorkar in Mizoram zirna siamtha tura hma a lakna chu theihtawp a thlawp turin zirtirtu leh naupang nu leh pa kalkhawmte chu a fuih a ni.
Tiny Tots School hi 1985 kum a Pi Ngurhmingliani Singson(L) leh a chhungte din niin tunah hian zirlai 550 vel an nei a.He School Silver Jubilee lawmna inkhawmah hian MLA Pu K Liantlinga pawh a tel a ni.
Tiny Tots School hi 1985 kum a Pi Ngurhmingliani Singson(L) leh a chhungte din niin tunah hian zirlai 550 vel an nei a.He School Silver Jubilee lawmna inkhawmah hian MLA Pu K Liantlinga pawh a tel a ni.
