4101/2023-2024

Aizawl the 8th March, 2024 : NABARD, Mizoram Regional Office, Aizawl chuan vawiin khan International Women’s Day (IWD) 2024 lawmna HYVE City Hall, Aizawl ah a nei a. IWD pual hian ni hnih awh tur Exhibition buatsaihin, he exhibition ah hian Self Help Groups/ Farmer Producer Organizations/ Women Entepreneurs te’n an thil thar leh siamchhuah te an phochhuak a ni.

Vawiina IWD lawmna leh exhibition hawnna puala hun buatsaih hi Pi H Lalchhandami, CEO, MzSRLM chuan khuallian niin a hmanpui a. Hmeichhiate’n sum tam zawk an dehchhuah a, an eizawnna kawnga tihhmasawnna tura Rural Livelihood Mission hmalaknate sawiin, an hmalakna a NABARD nen thawhhona tha tak an neih chungchnagah lawmthu a sawi bawk a ni.

Pu KVSSLV Prasada Rao, General Manager/ OIC, NABARD chuan he programme ah hian hmeichhiate dinhmun chawikang tura NABARD kaltlanga Self Help Group te hman tangkai theih tur ruahmanna hrang hrang - Skill Development, Tribal Development, Micro Enterprise Development atan te awm thu a sawi a ni.

Vawiin IWD lawmna puala thupui chu ‘Count Her In: Accelerating gender Equality through Economic Empowerment’ tih a ni a. He hunah hian Pi Lalrohlupuii, SMS, Home Science KVK, Aizawl te, Pi Lalhlupuii Ralte, Proprietor, Zo Bio Hub te chuan thu an sawi bawk a. Pu T. Khup Guite, Deputy General Manager, NABARD, SHG Member te leh hmeichhia mahni kutkawiha eizawnna hlawhtlingte an tel a ni.