4100/2023-2024

Dated Aizawl, the 8th March 2024: Vawiin chawhnu khan Dawrpui Multipurpose Hall-ah MzSRLM buatsaihin Accredited Agent for Health and Extension of Livestock Production (A-HELP) chu AH&Vety Minister Pu C.Lalsawivunga chuan khuallian niin a hawng a. A-HELP hi Deendayal Antyodaya Yojana-National Rural Livelihoods Mission (DAY-NRLM) hnuai a Ministry of Rural Development (MoRD) leh Department of Animal Husbandry and Dairying(DAHD) te thawhona niin he hmalakna atang hian thingtlang a ranvulhtute tan Vety Services pek a ni dawn a ni.

AH&Vety Minister Pu C.Lalsawivunga chuan ran vulhtute tana hmalakna pawimawh leh tangkai tak tur A-HELP kalpui a ni tur chu lawmawm a tih thu a sawi a. Mizoramah Ranvulh a eizawng an tam thu sawiin anmahni viltu tur Vety mithiamte erawh an indaihloh nasat thu sawiin he harsatna hi A-HELP hmalakna hian a rawn phuhru chho zel dawn niin a sawi. Minister-in a sawifiah dan chuan A-HELP kaltlang hian Department hna pawimawh tak tak, ran damlo enkawl, vaccination, artificial insemination, bank loan buaipui sak, awareness campaign leh animal registration te chu tih a ni dawn a. He hmalakna hi department ti chaktu pawimawh tak anih tur thu a sawi bawk.

A-HELP (Accredited Agent for Health and Extension of Livestock Production) hi Central level a Deendayal Antyodaya Yojana-National Rural Livelihoods Mission (DAY-NRLM), Ministry of Rural Development (MoRD) leh Department of Animal Husbandry and Dairying (DAHD), Government of India ten thawhhona thuthlung Memorandum of Understanding (MoU) 1st September, 2021 a an ziah atangin a intan a. He hmalakna kaltlang hian DAY- NRLM hnuaia Self Help Group member hmeichhia Livestock Community Resource Persons (LCRP) a thlanchhuahte chu he program kaltlang hian tangkai taka hman tum an ni.

A-HELP ni thei tur hian DAY-NRLM hnuaia LCRPs ni laimek te chu Master Trainers ten a bik taka training (16 days residential training + 1 day assessment) hranpa an pek leh a ngai a. Master Trainers tur te hi National Dairy Development Board (NDDB), Anand, Gujarat ah 6 days training an paltlang hmasak a ngai bawk. He hmalakna hnuaiah hian Mizoram atangin Master Trainers tur Vety Department aiawh Doctor 4 leh MzSRLM aiawh mi 2 thlanchhuah ten 22nd-28th January, 2024 khan training an paltlang tawh a ni.

Hemi hnu hian Master Trainers ten Mizoram ah LCRPs thlanchhuahte chu 16 days training an pe chhawng veleh ang. LCRPs te hian exam te an paltlang hnu ah A-HELP certificate an dawng thei dawn a ni. A-HELP Guideline a in ziak ang hian State level A-HELP training senso hi Vety Department lamin NDDB, Anand kaltlanga a dil chhuah tur a ni a.

Batch khat ah hian mi 25 zel training pek tur a ni a. Hemi atan hian MzSRLM hnuaia LCRP mi 25 thlanchhuah Serchhip leh Kolasib District ami ten training hi an nei dawn a ni. A-HELP certificate dawngte chu A.H & Vety Department leh MzSRLM ten tangkai taka hman zui tur a ni a. Thla tina an hnathawh tur chu Vety Department-in guideline zulzui in a duang ang. Training hi a tahtawl in batch dang pawh la neih chho zel tum a ni a.

A-HELP launch programme hi Dr.C.Lalrintluanga, Director, Animal Husbandry and Vetinary Department, Mizoram chuan inlawmna thu sawiin, A-HELP launching programme hi tan a ni a. Hemi hnu hian khuallian in A-HELP kits, Pashu Sakhis te hnenah a sem. Project chungchang sawifiahna Dr. R.G. Bambal, Joint Commissioner, DADH, Govt. of India chuan a a nei a. Thusawi tawi, Pi H. Lalchhandami, CEO, MzSRLM, Mizoram leh Dr. Vivek Kunj, National Mission Manager, NRLM, MoRD te chuan an nei bawk. Dr. T.C. Lalthanzauva, SNO, A-HELP in thu a sawi zawhin Dr. R.Malsawma, Additional Director, Animal Husbandry and Vetinary Department, Mizoram chuan thusawi tawi neiin hun a khar a ni.