4099/2023-2024

Mamit 8th March, 2024 : Vawiin khan I&PR Conference Hall, Mamit-ah District Hub for Empowerment of Women, Women & Child Development chuan International Women’s Day an hmang a. Pi Lalthangpuii Pulamte, SP Mamit chu khuallian a ni.

Khuallian Pi Lalthangpuii Pulamte, SP Mamit chuan hmeichhiate pawimawhna leh hlutna piah lamah Pathian thuin min zirtir angin hmeichhe lu chu mipa an nih avangin mipate an pawimawhzia a sawi a. Tumah hi in diriam a in ngainep tur kan awm lova. Inring tawn theuh kan nih avangin hmeichhia leh mipate hian hmasawnna rahbi sial turin mawhphurhna tam tak kan nei a ni a ti.

IWD pual hian Mamit District chhunga hmeichhiate zingah Science & Technology bika titha te chawimawina- J.Lalremruati d/o J.Lalnghakliana (Ph.D Zoology MZU), Kawrthah; Laldinfeli Ralte d/o Lalnunfela Ralte (Ph.D Botany MZU), Zawlnuam Vengpui leh Elizabeth Lalkhawngaihi d/o Lalthazuala (9th Rank Geology, MZU-2022), South Sabual te hnenah hlan a ni.

IWD pual vek hian Mamit District pumpui tan photography competition buatsaih a ni a. Lawmman 1-na: Vanlalhriatkimi, Mamit Venghlun; 2-na: Ruthi C.Vanlalawmpuii, Mamit Venghlun leh 3-na: Lalbiakdiki, Kawrtethawveng te hnenah hlan in, Photography Competition a thlalak te hi a duh apiang en theih thalakpui theih tura phochhuah an ni bawk a ni.

Vawiin programme-ah hian IWD lo irhchhuah dan chanchin te leh hmeichhia leh mipate pawimawhna hrang hrang ngaihthlak niin, ram leh hnam chhanhim turin naupanlai atanga enkawlna tha tak dawn a pawimawh thu te ngaihthlak a ni bawk. IWD pledge sawi rualin, hmeichhiate dinhmun chawikanna kawnga hmalaktu ni turin kal khawmten intiamkamna an nei. He ni pawimawh hi CDPO te kaihhruaina hnuaiah Sub-Hqrs. YMA, MHIP, AWWs, HoOs te bakah Mission Shakti leh Mission Vatsalya hnuaia thawktute nen hlawkthlak taka hman a ni.