4098/2023-2024

2024 Vau thla ni 8: Lok Sabha Inthlanpui 2024 lo awm tura candidate-te campaign senso chhutna atana Kolasib District chhunga hman tur thil man bitukna (rate chart) chu vawiin khan Kolasib District Election Officer Pu John LT Sanga hovin Kolasib DC Conference Hall-ah siam fel a ni.

Kolasib DEO Pu John LT Sanga chuan MLA inthlan felfai, muanawm leh hlawhtling taka buatsaih zawh a ni chu lawmawm a tih thu sawiin, Lok Sabha MP Inthlanpui lo awm turah pawh felfai taka inthlan buatsaih a nih theih nan official-te leh political party-te inkarah te, political party hrang hrang inkarah te thawh hona ṭha a awm leh a beisei thu a sawi a. Political party-te leh candidate-te chu ECI leh inthlan buaipuitute'n ruahmanna an siam zawm thiam tur leh thianghlim taka inthlan hmachhawn tura chahin, inthlan senso chhutna rate chart mila dik taka an sensote pawh chhut turin a chah a ni.

He hunah hian election official-te, DIPRO, District MJA ai awh leh political party hrang hrang ai awhte an tel a. Inthlan campaign nana bungrua leh thil dang mamawh hrang hrang awm thei turte ngaihtuahin, a man tur awm ang an bithliah a. Hemi zulzui hian candidate-te campaign senso chhut a ni ang.

Election Commission of India (ECI)-in inthlan campaign sensova candidate-te sum hman theih zat a bituk angin, kumin Lok Sabha Inthlanpui 2024-a constituency khata candidate pakhatin campaign sensova sum a hman theih tur zat chu cheng nuai 75 (₹ 75 lakh) a ni.