No.2360/2021-2022

Aizawl 28th September, 2021: Vawiin chawhma khan DC Conference Hall, Kolasibah District Development Manager, NABARD buatsaihin NABARD kalphung inhrilhfiahna leh Bank leh Sawrkar Department hrang hrang inkar a thawhhona kalpui dan tur inzirtirna,’ One Day Sensitization Meet for Bankers & Other Stakeholders’ neih a ni a, Pu Lallawmawma, Addl. DC-in hun a kaihruai a ni.

Hun kaihruaitu Pu Lallawmawma, Addl. DC chuan loneitute leh kuthnathawktute dawm kan a tihhmasawnna kawngah sawrkar hmachhawp tam zawk chu Bank kaltlanga hmalak a nih avangin thawhhona tha tak neih a pawimawh thu a sawi a. Kuthnathawktute loan pek chhuah chungchanga loan rul tha lo awm thin ah loan latute thiam lohna a awm rualin Sawrkar department-a thawktute leh Bank-a thawktute pawhin a hlawhtling tur leh tih tak taka beiturte ngei thlan chhuak kawngah mawhphurhna sang tak an neih ve thu a tarlang bawk a ni.

Pu JD Traite, District Development Manager, Kolasib chuan NABARD kalphung hrang hrang tarlanna hun hmangin NABARB chu thuang thum angin, Business, Supervision leh Development & Promotion anga hma an lak dan sawifiahna a nei a. KCC loan rul thatetan a pung rulh tur chungchangah inngaihnathiamna thui tak a awm bawk thu a tarlang bawk a ni. He thutkhawmnaah hian Bank hrang hrangah loan rul tha lo an awm thin avangin loan pek chhuah kawngah timna a awm thin thu tarlan a ni a, he harsatna pumpelh tur hian loan dawng tur thlanchhuahna kawngah Sawrkar Department leh Bank-te thawhhoa tanrual a pawimawh thu sawi a ni bawk a ni.

'One Day Sensitization for Bankers and Other Stakeholders' ah hian Kolasib district chhunga Bank hrang hranga hotute leh Sawrkar Department hrang hranga thawktute an tel a ni.

Attachment

  • Loading attachment...