No.2361/2021-2022

Aizawl, 28th September, 2021 : NABARD, Mizoram Regional Office, Aizawl buatsaih Sensitisation Workshop on Geographical Indications (GI) chu vawiin khan NABARD Conference Hall ah neih a ni.

He workshop ah hian Pu JC Ramthanga, IAS, Addl. Chief Secretary to Chief Minister chu Chief Guest niin workshop chhimtute hmaah thu a sawi a, Department pawimawh tak takin Geographical Indication an buaipui chu a läwm thu leh Mizoram nghahfak an nih tih sawiin, Mizoram tán hna pawimawh tak an thawk a ni tih hria a theihtawp chhuah turin sawrkar department leh NGO aiawha kal te a fuih a, Mizo kutchhuak leh tharchhuahte hlawk zawk a hralh chhuah a nih theih nan leh kan vawnhim zel nan GI registration hi a pawimawh hle a ni, a ti.

NABARD Mizoram RO General Manager, Pi Lalfakzuali Leivang chuan thusawina hun hmangin he workshop in a tum ber chu GI chungchang inhrilhhriatna a nih thu leh Mizorama loneitu leh kutthemthiamte tihhmasawn nan GI hnuaia kan thilsiam a tam thei ang ber register a pawimawh zia sawiin, GI Pre-registration leh post-registration atana NABARD hnuaia chhawmdawlna dil theihte a tarlang a. Tun dinhmunah Mizoramin GI Product 6, Mizo chilli, Pawndum, Ngotekherh, Hmaram, Tawlhlohpuan leh Mizo Puanchei a neih mek thu leh Mizo puan pathum leh handicraft item pahnih GI tagging turin Angel Business Promoters of Mizoram nen an thawh dun mek thu a sawi bawk.

He hun hman puitu Pu Laltlanzuala, Scientist B, Patent Information Centre chuan GI tagging kalpui dan sawiin, GI atana NABARD hnuaia chhawmdawlna awmte Pu T. Sudheer, DGM, NABARD chuan sawizauna hun a hmang bawk a, Angel Business Promoters CEO, Pu Mark Lalduhsaka hnen atangin NABARD GI proposal presentation enho a ni bawk.

Chief Guest hian Cod Nerc hnenah Special Award, Thenzawl khuaa handloom tihhmasawnna lama an thawh that avanga NABARD Head Office, Mumbai lamin an pek chu hlanna hun a hmang bawk.

He workshop ah hian Department of Agriculture, Horticulture, SMPB, Art & Culture, Commerce and Industries leh Science and Technology atanga aiawhte an tel a ni.