No.3341/2021-2022

Aizawl, the 9th December 2021: Dr.G.R. Chinatala, Chairman, NABARD, chuan vawiin khan Regional Office building thar, NABARD chu MINECO ah a hawng.

Dr.Chinatala chuan a thusawiah Mizoram sawrkarin state hmasawnna tura theih tawp a chhuah chu NABARD in a thlawp tlat thu a sawi a. Mizoram a NABARD a rawn luh tan tir atang theih tawp chhuah ni mahse hnathawh tur leh hmasawnna kawnga NABARD hman tangkai theih na tur kawng tam tak a la awm a ni a ti. NABARD Chairman chuan NABARD lam chu inhawng viau mahse state lam atanga ruahmanna felfai tak leh a bawhzui zel dan tur chiang taka Department ten an siam erawh a ngai tih a sawi tel bawk.

Kum 1989 khan NABARD chuan Sub-Office rawn ne in bul a tan a. Rural Infrastructure Development Fund (RIDF) chu kum 1995-96 khan tan a ni a. Heta tang a tun thlenga hmasawnna ruhrel pawimawh tak tak – Lei dawh, Kawngpui siam, Tui in tur lakna siam, Damdawiin sakna leh dang te Project 677 laia tam thawh nan Rs.1744.51 crore NABARD chuan a chhawp chhuak tawh a. Hemi sum hlawm atang hian Rs.1070.81 crore pek chhuak a ni tawh a ni. Warehousing Infrastructure Fund kaltlangin Warehouse 111 sak nan NABARD chuan loan a peih fel tawh a. Hei hian thlai thar leh thei rah 42,174 MT a tam dahna tur sak a ni dawn a ni. Heng bakah hian NABARD chuan pawl intelkhawm te, bank thenkhat te leh kuthnathawktute bakah sumdawnna atan bul tan tur te tanpuina atan kum 3 liam ta chhung khan Rs 35 crore chuang a pe chhuak tawh bawk a ni.

NABARD Building hawnnah hian Pu J.C.Ramthanga, Addl. Chief Secretary to Chief Minister, NABARD Director, Pu P. Shimrah, General Manager, Reserve Bank of India, Aizawl leh Pu Lalmuankima Henry, Engineer-in-Chief, PWD, Govt. of Mizoram leh mi pawimawh tak tak te an tel a ni.