No.3359/2021-2022

Aizawl the 10th December 2021: Vawiin khan NABARD Chairman Dr. G.R. Chintala chuan Reiek tlawhin NABARD fund hmanga siam Rural Haat building a hawng.

Pu Dr. G.R. Chintala chuan Reiek chu Aizawl atanga awlsam taka kal theih mai a nih avangin khualzinte hip kawngah hmalak uar tul a tih thu leh NABARD pawh hemi kawngah a in hawn reng tur thu a sawi a. Reiek chu faina kawngah entawn tlak a tih thu leh Switzerland thingtlang khua a hriatchhuah tir thu a sawi a ni.

Rural Haat-a thlai thar leh sa zuartute NABARD Chairman hian a tlawh nghal a. Hemi hnu hian Reiek tlang leh Zo khua te tlawhin Cultural Programme neih pui a ni.

Reiek Rural Haat sak nan hian Rs. 10.50 lakh hman a ni a, NABARD atangin Rs. 9.975 lakh hmuh niin a bak zawng hi Reiek VC in a tum thung a ni. Rural Haat hi kumin January thla atangin thlai leh sa zuartuten tangkai takin an hmang tan tawh a. Covid 19 hripui leng avangin hawnna program hi neih thawih lawkloh phah a ni.

Pu Dr. G.R. Chintala hi Aizawl atangin Pi Lalfakzuali Leivang, General Manager, Mizoram Regional Office, NABARD leh NABARD Official dangte'n an tawiawm a. Rural Haat hawnna in khawm hi VCP Reiek in kaihhruaiin NABARD District Development Manager, Mamit & Kolasib District bakah Reiek BDO, Lengpui KVK Head Scientist leh MRB Bank Manager bakah khawtlang hruaitute an tel a ni.