NABARD chuan tunhnaiah Tribal Development Fund hnuaiah “Orchard Development Projects” pahnih kalpuinaturin cheng nuai 540.56 a sanction. He project hi NEIDA, TATA Trust hnuaia organization nen thawh dun tura ruahman ani. Lunglei district chhungkaw 10 atangin chhungkaw 500 thlanchhuahte hnenah ram acre khat theuhah tanpuina pek an ni ang. NABARD in nuai 247.28 (45.7%) a tum ang a, NEIDA in nuai 166.00 (30.7%) tum in, he project huam chhunga loneituten tha leh zung an thawh ang a, chu chu sum a chantirin cheng nuai 128.28 ( 23.6%) hu a ni. He project hian kum 6 chhung a huam ang a, chhungkaw 500 in eizawnna nghet an neih theihna tura ruahman a ni.
He project-in a tum ber chu Chhungkawtinte ram acre khata zau a Serthlum leh Balhla chin kawp niin, lei thate, tuilaknate ruahman anih bakah Vawkvulhte, hmeichhe hmasawnnate, ruahtui khawlna tuizemsiamte leh vantlang hriselna lam pawh a huam ang. He project hi chhawngthum a then niin, NEIDA in a hmunah a vil ang. He project hnuaiah hian loneitute hi chhawngthumin pawl angin din an ni dawn a. Zautinahte, khawtinahte loneitute hi an in telkhawm dawn mai bakah a project a tel zawng zawngte hian Farmers Producers Organisation an din dawn a ni.
He project hi thawhzawh anih hunah chuan chhungkaw 500 te chuan kum tina ram ti chereu a thingtlang lo neih thinte bansanin, an mahni huanah ngei eizawnna ngelnghet tak an nei thei tawh dawn a ni.
