Mizoram chhunga Govt. College -te puala Public Financial Management System (PFMS) hman dan zirhona workshop chu ni 23 & 24 January 2017 khan State Project Directorate, Rashtriya Uchchatar Shiksha Abhiyan (RUSA) buatsaihin Aizawl Club ah neih a ni.

Delhi atanga lokal Mr. S. Francis, Sr. Account Officer, CGA, Ministry of Finance chu he workshop a training petu(resource person) a ni a.Workshop nikhatna hi College-a Institutional Coordinator leh PFMS khawihtu bikte ( Data operator -te) pual a neih a ni a. A ni hnihnaah hian College Principal te telin hun hman a ni a. Mizoram Finance Department atanga tel an awm bawk. Workshop hi Prof. K.L Pradhan, Member Secretary, State Higher Education Council-cum-Additional State Project Director, RUSA chuan kaihruaiin, Pu Benjamina, Commissioner & Secretary, Higher & Technical Education Dept. leh State Project Director, RUSA ni bawkin thu sawi a ni.

Central Sorkar scheme hrang hranga sum dawn, pekchhuah leh sum chevel reng PFMS kal tlanga online a tih vek a ngaih tawh dawn avangin, a taka kalpui thei turin Ministry of Human Resource Development hnuaiah, RUSA chuan chak takin hma a la a. April 2016 atang khan PFMS hi State Higher Education Council, RUSA State Project Directorate leh Mizoram chhunga RUSA sum dawngtu College (Beneficiary College)-te chuan an hmang tan tawh a ni.

PMFS hi a nih dan tur anga taka hman a nih hunah chuan sum diklo taka hman leh a hmanna tur taka hman lawk lova tihkhawtlaite pawh a veng hle tura beisei a ni.