NABARD, Mizoram Regional office chuan tunhnaiah Mizoram state tan Rural Infrastructure Development Fund (RIDF-XXII) hnuaiah loan cheng nuai 3868.95 a sanction. He sum hi Mizoram hmun hrang hrang a School 194 chei tharna, sak that leh School choka leh chaw eina hmun sakna turte, Tui thianghlim pekna projects 6 leh Minor Irrigation Project thawhna tur a ni a. Heng Project zawng zawnga tana sum mamawh chu cheng nuai 4290.44 niin NABARD Loan sanction bak hi chu Mizoram Sorkar in a tum ang.
He project in a huamte chu
1. Cheng nuai 2553.58 senna tur School building sak that, choka leh chaweina hmun sak nan.
2. Tui thianghlim in tur pekna hmun 6 ah.
1) Sialsir Ruahtui dahkhawlna siam nan nuai 296.000
2) Darlawn Tui supply na tih changtlun nan nuaih 95.75
3) Keitum a tui supplyna siamthat nan nuai 24.634
4) Tuisen Bolia Tui lakna nuai 87.720
5) Sialsuk leh Samlukhai Tui supply nan nuai 300.000
6) Leite, Rotlang Tui lak nan nuai 208.200
3. Minor Irrigation Projects hmun 6 ah
1) Tuihnial Irrigation Project, Serchhip Division nuai 99.88
2) Tuilaklui, Champhai Division nuai 224.91
3) Lower Tuiphu, Aizawl Division nuai 82.44
4) Tuichhuahen Lift Irrigation, Kolasib Division nuai 224.10, leh
5) Zobawhzau, Lunglei Division nuai 93.23
School Infrastructure leh Tui in tur supply project te hi kum 2018-19 a zawh fel hman tura ruahman a ni a. Minor Irrigation Project ho te erawh chu kum 2019-20 ah thawh zawh a ni thung ang. Heng project te hi thawh zawh a nih hunah chuan vantlang hmasawnna bakah leh ei leh bar lamah pawh hmasawnna a awm beisei a ni.
