General Manager, NABARD,Mizoram Regional Office chuan thuchhuah siamin Mizoram tan Rs.1845.30 lakh a pek chhuah thu a sawi. Tun hnaiah Rural Infrastructure Development Fund (RIDF XXII) hnuaiah cheng nuai 1845.30 Mizoram tan a pe chhuak a, Animal Husbandry Project 3 (pathum) atan leh Sorkar Supply kudam panna kawng 82 (sawmriat pahnih) thuam thatna tur atan a ni. Heng project atana sum sen zawng zawng tur chu cheng nuai 2136.49 ani a, NABARD RIDF loan pek bak hi chu Mizoram Sorkar in a tum ang.

AH&Vety dept hnuaia project in a huamte:

Cheng nuai 600 senna tur Thenzawl ah Goat Breeding Farm (Kel vulh punna hmun) din nan.

Cheng nuai 313.496 senna tur INBRO Hatchery Farm ah Ar note keutirna tih changtlun leh tihhmasawn nan.

Cheng nuai 200 senna tur Rural Animal Health Centre 10(sawm) sak nan.

Food and Civil supply Dept project atan Mizoram ah district 8 (pariat) ah suppy kudam kawng thawm that leh siam hna hmun 82 atan cheng nuai 1023.00 ruahman a ni bawk.

Khing projects tarlan te khi kum 2018-19 chhung a thawh zawh vek hman tura ruahman ani.

Food and civil supply dept hnuaia kawng siam te hian supply kudam hmun a buhfai tawlh luh nan a puiin hna a tih awlsam phah dawn bakah mipui hnena a hun taka sem chhuah (PDS) leh zung zung nan tangkaipui hle dawn bawk ani. Tin, Vety Dept pawh ram pawn atanga sa leh artui lak luh a ti tlem ang a, ran damdawi in 10 sak hian nasa takin hmun hla zawk a mi te tan ran enkawl hna a ti awlsam dawn a, chu mai bakah thingtlang mi te tan awlsam zawka ran vulhtu ten he hmun hi an lo hman tangkai theih zawkna turin Vety Institution tih changtlun leh hmanrua mamawh ang te thuam that vek tura ruah hman ani.

A chunga sanction tarlan nen khian NABARD in RIDF hnuaiah Rs.153 crore hu zet dept. project hrang hrang, PWD, PHE, School Education, MI, Food & Civil supplies, AH & Vety etc. hnenah a lo pe chhuak tawh ani.