No.2331/2021-2022

Aizawl the 24th September, 2021 : Vawiin chawhnu khan I&PR Conference Hall, Project veng, Kolasibah District Development Manager, NABARD bultumin Kolasib district chhunga Bank hrang hranga thawktute thutkhawmna hun, Bankers Meet buatsaih a ni a, Pu C.Lalthlamuana, District Agriculture Officer chuan khuallian niin a hmanpui.

Pu C.Lalthlamuana, DAO chuan NABARD leh Bank hrang hrangte chu kuthnathawktute tihhmasawnna kawnga mawhphurna sang tak nei an nih thu sawiin NABARD kaltlangin RIDF XXVI hnuaiah Kolasib district chhunga leilet 100.67 hectare a zau tihhmasawnna hna kalpui mek a nih thu a tarlang bawk a ni. Khuallian chuan loneitute dawmkan nan Sawrkar laipui hnuai a Scheme hrang hrang tih hlawhtlin kawngah bank leh sawrkar department-te thawhhona a pawimawh thu sawiin PM kisan kalpuina kawnga Agriculture Department hmalaknaah a tul apianga pui thin turin kalkhawmte a chah bawk a ni. DAO chuan kuthnathawktute tih hmasawn nana Sawrkar Department hrang hrang leh Bank ten thawhhona leh tanrualna boruak tha a awm chhunzawm zel theih nan Bankers Meet chu hmang ngei turin kalkhawmte duhsakna a hlan bawk a ni.

Pu JD Traite, District Development Manager, NABARD chuan hun kaihruaiin Self Help Group leh Bank inkarah inkungkaihna tha a awm theih nana hriattur pawimawh tarlanna hun a hmang a Pi Lorna T.Gangte, Convener, Leed Bank Manager pawhin fuihna thu a sawi bawk a ni. Bank hrang hrang hotute atangin SHG nena thawhhona tha kalpui dan tur leh Sawrkar laipui scheme-te a dawng tur takin an dawn theih nana hmalak dan tur sawi hona hun hman a ni bawk a ni.