No.2332/2021-2022

Aizawl the 24th September, 2021 : Vawiin khan Serchhip DC Meeting Hall ah Serchhip District Level Committee on Cleanliness Week te chu an Chairman Pu Kumar Abhishek, IAS, DC hovin an thukhawm a, tun thla 29th September, 2021 atanga kalpui tan tur Azaadi ka Amrit Mahotsav Plan (AKAMP) leh thla thar October thla tira kalpui tur Mizoram Cleanliness Week hman dan tur an rel.

Chairman Pu Kumar Abhishek chuan, faina leh thianghlimna hi nunna leh hriselna nena inzawm a nih avangin mitinin mawh kan phurhna a ni a, uar tak leh fel taka inzirtirnna kan neih zel pawh a tul hle a ni. Kan hma lawkah Azaadi ka Amrit Mahotsav Plan kalpui tur leh Mizoram Cleanliness Week lo awm turah pawh theihtawp kan chhuah anga, rah tha rah tir ngei tumin engkim tih kan tum dawn nia tiin member kalkhawmte a sawm a ni.

Meeting hian Azaadi ka Amrit Mahotsav Plan kalpui dan tur a duang hmasaa, he Plan hi dt.29th September, 2021 atanga neih tana 2nd October, 2021 a khar tur a ni a, hemi chhung hian Awareness Campaign chi hrang hrang te, Mobile Van Campaign te, Waste to Art Exhibition te, Veng fai inelna te neih tura ni. A kharna hi 2nd October, 2021 ah neih a ni anga, a kharna hunah hian Mizoram Cleanliness Week, 2021 hawnna neih zui tur a ni ang. Cleanliness Week, 2021 chhung hian faina Campaign beihpui thlak neih chhunzawm a ni anga, in tin leh vantlang pisa tinte chu mahni in leh a chhehvel tifai tura tih an ni ang a, Covid 19 himna dan zawm chunga vantlang hnatlang kalpui tur a ni bawk ang. Media Campaign chi hrang hrang leh photography Competition te pawh buatsaih a ni ang.

Azaadi ka Amrit Mahotsav Plan leh Cleanliness Week, 2021 hman dan tur hi N.Vanlaiphai leh Thenzawl ah pawh kalpui ve tur a ni a, SDO civil te kaihhruaina in an kalpui dan tur an duang ve leh dawn a ni.

Vawiina meeting ah hian Member Secretary Er. Albert Vanlalliantluanga, DUDO leh members te an tel a ni.