Vawiin khan Champhai I & PR Conference Hall-ah NABARD leh National Institute of Agriculture Marketing (NIAM) Ministry of Agriculture, Government of India bul tumin Agriculture hmalakna tin chak leh changtlung zawka kalpui dan tur ngaihtuahin, Champhai a Agriculture and Allied Sector Department hotute hemi kawnga hmalak dan tur ngaihtuahin an thukhawm a, he awarness meeting ah hian Champhai IPRO Pi K. Laldingliani chu khuallian a ni.

Kum 10 lo kal leh tura sorkar laipuiin Agriculture tih changtlunna tura Rs 11,172 crores a ruahmanah State leh UT ten awmze nei zawk leh hlawk zawka thlai thar chhuah anih theihna tura kal dan phung tha zawk leh changkang zawk a kalpui anih dan tur in zirtirna leh sawihona-ah hian Mizoram NABARD Manager Dr. Apurna Kolte chuan Power Point Presentation hmangin thlai sawngbawl dan turte, thlai thar chhuah dehralna tur leh harsatna hrang hrangawmthei tur sutkian dan turte hrilhfiahna a nei a, India raniabuh leh thlai thar chhuah dan leh hemi kawnga hmalak a nih dan pawh thlirletna neih zui nghal a ni. 

Hlawk leh zuala thlai thar chhuah a nih theihna turin mimal loneitute bakah Private Sector leh Co-operative Sector te kutke tih chak a nih tam nan dan siam leh duan ngaite tarlangin sawihona neih nghal a ni bawk. Agriculture and Allied Sector -ah hian Agriculture, Sericulture, Horticulture, AH&Vety, Industry leh Soil & Water Conservation Department hotute, Pu J.D. Traite, Asst. Project Manager NABARD Champhai leh NIAM atangin mithiamte an kalkhawm a ni.