DIRECTORATE OF INFORMATION & PUBLIC RELATIONS, Government of Mizoram, India

Vawiin khan LAD Conference Hall, Mamit ah kumin 2013 Faina Hapta, 2 October atanga hman tan chu khar a ni a, Pu V. Lalremthanga IAS District Bawrhsap in a hmanpui.

Kharna inkhawm Pu P.C. Lalthanzuala, President Joint V/C Mamit kaihhruaiah Pu V. Lalremthanga chuan hmasawnna hmelhmang lanna ber pakhat chu faina hi a ni tiin pawnlam lan faina mai piah lamah chhunglam faina hi kan ngaih pawimawh a tul tak zet a ni a ti a. Mamit khawpui hi District khawpuiah khawpui fai ber pawl anih thusawiin a District anga han thlir chuan tan lakna tur a la tam hle a ni tiin kal khawmte chu faina kawnga mi dangte zirtirtu ni turin a chah bawk.

Tuna lawmman kan dawnah hian duh tawk mai lovin min fuih phurtu atana a hmang tangkai sauh sauh turin a chah a, kan fai tur a ni tih hi englai pawha vawng nung zel turin kalkhawmte leh District chhunga cheng mitinte a sawm bawk.

Pu P.H Rualzakhuma DLAO, Sanitation Officer, Mamit in Faina thuchah sawiin faina Hapta hman dan Report kimchang takin a pe a, Pu H. Vanlalhlua President Sub- Hqrs YMA in faina kawnga inelna Primary School, Middle School chin chunglam, Office fai leh veng fai (YMA Branch wise) Result a puang a, hetiangin:-

Primary School chin chunglamah
1.	Govt Primary School II.
2.	GovtPrimary School– VII.
3.	GovtPrimary School– IV.
Middle School chin chunglamah
1.	GovtMiddle School– III.
2.	GovtMiddle School– I.
3.	GovtMiddle School– II.
Office leh a compound
1.	SP Office, Mamit.
2.	DFO Office, Mamit.
3.	Supply Department Office (DCSO), Mamit.
Vengfai lawmman
1.	Mamit Chhim Veng.
2.	Mamit Hmar Veng Luangpawl.
3.	Mamit Venghlun.