Dt 31.10.13 khan NABARD, Mizoram Regional Office, Aizawl chuan NABARD Warehousing Scheme 2013-14 sum Rs 5000 crore lai awmna ah Sawrkar leh mimal tan loan a dil theih thu an chhuah a. Hei hi Union Minister in kum 2013-14 budget a pharh lai a thlai thar dahkhawlna hmun sak na atana ruahman siam a nih tur thu a lo sawi tawh bawhzui na a ni a. He scheme hnuai ah hian sawrkar leh mimal tan Warehouse, silos, cold storage leh cold chain sakna atan sum a puk thei dawn a ni.

He scheme hnuaia warehouse leh cold storage te chu warehousing development and regulatory authority(WDRA) dan duan sa mil thlap a sak a ngai thung dawn a. State sawrkar enkawl( PSU’s) te, public private partnership hnuaia special purpose vehicles din te, co-operatives te, federations te, co-operative federations te, APMC te, state level boards te, panchayat te, private company leh mimal te tan he scheme hnuaia loan hi NABARD, Mizoram Regional Office, bawngkawn ah zawh fiah theih a ni. Warehousing Scheme 2013-14 kaltlang hian buh leh thlai thar chhuah te metric ton maktaduai 10 lai a tam a dahthat theih dawn a. He scheme hmang hian kuthnathawk leh loneitu ten man man zawk in an thlai thar te an zawrh theih dawn bak ah National Food security Act hlawhtlinna atana hmanraw tangkai tak a nih tur thu pawh NABARD chuan a tarlang a ni.