Lawngtlai DC office chuan National Bank for Agriculture and Rural Development (NABARD) hnuaia Rural Infrastructure Promotion Fund (RIPF) atangin Lawngtlai District chhung hmun hniha thing lei (wooden bridge) dawhna tur sum Rs nuai 10 an dawng a. Lei hi Parva II leh Parva III atanga Parva I leh Parva IV kainaah leh, Hmawngbuchhuah leh Dumzautlang inkara Sekulh luiah te dawh a ni ang.

December ni 11 leh 12, 2017 khan NABARD Mizoram Regional Office-a Deputy General Manager Pu J. Suresh chuan Lawngtlai tlawhin, Lawngtlai Bawrhsap Dr Arun T., IAS leh official dangte nen Lawngtlai District chhunga NABARD hma lakna tur hrang hrang an sawi ho va. Pu Suresh-a hma laknain lei pahnih dawhna tur sum hi hma taka nawr chhuah a nih theih phah ta a ni.