NABARD, Mizoram Regional Office, Aizawl chuan vawiin khan ni 3 awh tur ‘Workshop on Tribal Development Programme’ chu NABARD Conference Hall, Bawngkawn-ah an tan.
NABARD General Manager/OIC Dr. P.M. Ghole chuan NABARD-in Mizorama tribal hmasawnna lam hawi Project 4 lai kalpui mek a ni tiin heng hian an khawsak a chawikan a beisei thu a sawi.
He Workshop hi Bankers’ Institute of Rural Development (BIRD), Lucknow huaihawt a ni a, Workshop hmanpui tur hian mithiam pahnih Prabhakar Behera leh Deepak Manchandra te an lo kal a ni. State Bank of India, Mizoram Rural Bank, Mizoram Cooperative Apex Bank Ltd, Zoram Entu Pawl, Ferrando Women Developmen Centre (FIWDC), Centre for Peace & Development (CPD), Cod Nerc, Mizoram Mahila Sangathan, RADP (Serchhip District) leh sorkar department Rural Development, Soil & Water leh AH&Vety. aiawhte an tel a ni.
