Transport Minister Pu P.C.Zoram Sangliana chuan nimin chawhnu khan Mizoram Road Transport Union (MRTU) hotute a office-ah lenga sawmin ‘The Mizoram Motor Vehicles Taxation (Amendment) Act 2011’ chungchang a sawipui.

Minister hian he Dan hman mek chungchanga MRTU lamin rawtna hrang hrang an neihte a ngaihthlak sak a. He Dan hi 1 September 2011 atanga hman tan a nih dan leh Act duanchhuah a lo nih dan Transport Department hotuten an hrilhfiah bawk a ni. Minister hova sawihona an neihah hian he Dan hman mek hi lo zirchiang tur Committee emaw Study Team emaw din nise, chumite chuan an thil hmuh dan sorkarah thehlut se tiin an rel a ni.

Transport Minister chuan he Dan hman mek chungchangah hian sorkar thu ngaichang turin MRTU te a ngen a, chutihlaiin a nuar zawng leh dodal zawnga hma la lo turin a chah a ni.