Vawiin tlai khan Chief Secretary Pi L.Tochhong hovin Sawrkar hotulu ten Chief Secretary's Conference Hall ah Mizoram Governor thar, Pu V.K. Duggal lakluhna (swearing-in- Ceremony) programme duangin Governor kalchhuak ta Pi Kamla Beniwal thlah dan tur programme an buatsaih a. Naktuk hian Governor thar hian a hna a rawn zawm dawn a ni.

Governor thar Pu V.K. Duggal hi tuna Manipur Governor ni lai niin thu leh awm hma chuan Manipur leh Mizoram Governor nihna a chelh kawp dawn a ni.Naktuk Dar 12:20 ah Lengpui Airport ah Sawrkar mi pawimawh ten an lo hmuak ang a, tlai dar 6:00 ah Raj Bhavan ah Mizoram Governor thar atan lakluh a ni ang.Naktuk ah vek hian Governor kalchhuak ta Pi Kamla Beniwal chu thlah a ni dawn a. Chawhnu dar 2:00 ah Raj Bhavan a chhuahsan anga, chawhnu dar 3:50 ah Lengpui atangin Mizoram a chhuahsan tawh dawn a ni.