Vawiin chawhma dar 11:00 khan Serchhip District Bawrhsap Pi Juhi Mukherjee, IAS, hovin DC’s Meeting Room-ah Serchhip a Department hrang hrang leh tlawmngai pawl hrang hrang aiawhten Independence Day 2014 Serchhipa hman tur atana inpuahchahna te an thlirho a, Department hrang hrang te hmalakna te ngaithlak niin, programme duan sa te pawh sawiho a pawm nghal a ni bawk.

Serchhip Independence Day lawmna inkhawm hi Khawtetlang Field, New Serchhip ah August ni 15, 2013 chawhma dar 10:30 ah tan a ni ang a, Finance Minister Pu Lalsawta chu khuallian a ni ang .

Independence Day zing ni chhuah rualin Sawrkar office zawng zawngah India Hnam Puanzar khai vek tur a ni a, zing dar 7 ah Old Age Home, Home, Zoar Deprived Children’s Home, Adult rehabilitation Centre leh Shalom Special School ah te Independence Day lawmna thilpek sem a ni ang. Independence Day lawmna ah hian Parade Contingent 10 (Armed-1, Unarmed-9) an tel ang a, an zingah hian School Contingent 8 an tel ang, August ni 13 2014 chawhma dar 9:30 ah Parade Contingent te hian Khawtetlang Field ah Finak rehearsal an nei ang a, Independence Day a parade contingent tithate hnenah lawmman sem ani bawk ang. Parade laia harsatna an tawh thin tihziaawm anih theih nan naupangte hnenah hian ORS pek vek tura ruahman ani a; Parade an practice chhunga an ei leh in tur ruahman ani bawk. Independence Day lawm tura kal naupang ho zawng zawng hnenah chithlum sem a ni bawk ang. Shalom Special School naupangte chu abik taka Independence Day lawmna a tel tur hian sawm an ni ang a, an thutna tur pawh abik taka ruahman sak vek an ni ang.

Bawrhsap chuan Department hrang hrangte inbuatsaihna leh inpekna avangin lawmthu a sawi a, chhan tha tak a awm anih loh chuan Sawrkar hnathawkte chu Independence Day lawmna ah an tel ngei tur ani tih sawi nawn lehin mipuite pawh a tam thei ang ber he hun hmang tur hian a sawm a ni.