Naktuk tahrik Ni 16 May, 2014 zing dar 8 : 00 atangin Mizoram hmun dang te rualin DC’s Conference Hall, Saiha-ah Member of Parliament inthlanpui vawi 16-na neih zawh taka 39-Saiha Assembly Constituency leh 40-Palak Assembly Constituency atanga vote tla te chu chhiar a ni dawn.

He vote chhiarna tur hi venhimna uluk tak hnuaiah neih a ni dawn a, Counting Hall pahnih siamin heng Hall ah te hian Counting Table paruk ve ve dah a ni a, Counting Agents Member 24 ten vote te hi an chhiar dawn a ni. 39-Saiha Assembly Constituency- ah hian Polling Booth 32 awmin 40-Palak Assembly Constituency-ah hian Polling Booth 41 a awm bawk a ni. He inthlanpui neih zawh takah hian 39-Saiha Assembly Constituency ah Vote za zelah 58.03 a tla a, 40-Palak Assembly Constituency ah Vote za zelah 67.72 a tla bawk a ni.

Heng Assembly Constituency pahnih a Vote chhiar tute hi Counting Supervisor leh Counting Assistant ten an vil reng dawn a, Saiha District mai bakah Mizoram puma inthlan chanchin thar kimchang hre duh tan Media Center Telephone No. 223064 ah zawh fiah theih reng a ni ang.