Nimin dt.10th April, 2013 chawhnu khan BNRGSK building Nalzawl, Mamit District a Rs. 692000 senga sak chu Pu John Rotluangliana, Deputy Speaker, Bialtu MLA ni bawk chuan a hawng.

Hawnna thusawiin Pu John Rotluangliana, Deputy Speaker chuan BNRGSK building tha tak mai khawtlang tana sak a ni leh sum hetiang zat a sak zawh a ni thei hi a lawmawm hle a ni a ti a. He building hi hi in ta a ni tiin, neitu thinlung pu a enkawl, cheimawi leh dim turin leh tangkai taka hmang turin Nalzawl khaw mipuite chu a chah a. Mamit district hi hmun dang te aiin hnufual deuhin lang mah ila, hmasawnna a kal chak hle a, tih tur leh tih tul ang ang te tih chhoh mek zel a ni a. Khawtlang mamawh sawrkar in a tih theih leh a tih tur te pawh tih mek zel a ni a ti.

He inkhawmah hi Pu V.L. Robiaka, MLA, Chairman ZIDCO pawhin tel puiin kan District hi hnam tenau deuh zawk te an awm avangin harsatna kan tawk nasa bikin a hnufual bik a, hmasawnna nasa zawk a thlen theih nan theihtawp kan chhuah a ni a ti.

BNRGSK building hawnna inkhawm hi Pu Ramtinchawma, VCP, Nalzawl in a kaihruai a. Secretary, VC, Nalzawl in technical report a pe a. Mamit District a department hrang hranga officer te an tel tha hle a ni.