Nihnih awh tur National School Safety Programme (NSSP) chu vawiin chawhma dar 10:00 atang khan, I&PR Conference Hall-ah national disaster Management Authority leh Aizawl District Disaster Management Authority tangkawp buatsaihin neih a ni, naktukah chhunzawm a ni ang.

He Training hian Aizawl Private School 20 - Pine Mount HSS, Hermon HSS; Agathos HSS, Basileia HSS; LR HSS, Highlander HSS; Mont Fort HSS, Don Bosco HSS; Alma HSS, Zabanga HSS; Royal english Academy, Fair Havens HSS; Boston HSS, Calvin HSS; Oriental HSS, Brighter HSS; St. Salvius HSS, Chidren Guiding HSS; Neuhof English Medium School leh South Gate School te an tel.

Pi Irene Lalmuanzovi, District Project Co-ordinator, NSSP chuan Technical Training hi a kaihruai a; Pu Lalremruata Kullai, SDC & Branch Officer, Aizawl DC Office chuan a hawng a; Pu Dominic Lalhmangaiha, Member State Disaster Management Authority chuan keynote address a pe a; Pu Pc Vanlalruata, Master Trainer (NSSP) leh Headmaster MICE nibawk chuan NSSP chungchang a sawi a; Dr Lalrokima Chenkual, Head Faculty, Disaster Management Cell, Administrative Training Institute chuan Mizoram tana chhiatrup thlen theihna leh invenna tur a sawi bawk.

Training ah hian Dr. C. Laldinpuia, New Life Hospital chuan First Aid leh Basic Swimming Skills for School Children leh tih tur leh tih loh tur te a sawi a. Pu Lalremmawia, Station Officer, Fire & Emergency Services Department chuan kangmeichungchang leh a vendan sawiin, tih tur leh tih loh tur te a sawi bakah F&ES hnathawk dangte nen demonstration an nei bawk.

School Disaster Management Plan siam dan Pu Vanlalruata leh Pi Irene Lalmuanzovi ten an zirtir bawk a ni.