Pu R. Romawia Speaker, Mizoram chuan vawiin Dt 2th October 2012 hian Khawvel pum huap Upate ni Dt 1st October 2012 lawmna hun Tuidam Community Hall, a buatsaih chu hmanpuiin nangmahni Upate zarah tun dinhmun hi thleng thei kan ni a, inchhungte lakah in thlahrung suh u tiin upa te a chah a ni.
Pu R. Romawia Speaker chuan upate pawimawhna hrang hrang tarlangin kan ram hmasawnna tura an thiamna leh finnate inthlahrung lova thawh thin tura chahin ram changkang apiangah upate an zahin an dah pawimawha ni a ti a, tunlai thangthar te pawh hian chu chu hriain nu leh pa, upa zawkte zahna chang kan hriat a tul tak meuh meuh a ni a ti a, kan sawrkar pawhin upate hi a ngai pawimawh em em a tun dinhmunah hian Tarchawmna mi 26359 te hnenah Mizoram sawrkar chuan a pe mek ni a ti bawk.
Speaker chuan mizote zia, Kristian zia kan humhalhna kawngah pawh upate an pawimawh thusawiin hemi kawngah hian theihtawp chhuah turin upate chu a sawm bawk.
Upate ni lawmna hun hi Pu F. Thangkhuma, President Kawrthah Area MUP in kaihhruain he hunah hian Mizo lam hmuhnawm tak leh zaithiamten hun an hmang a ni.
