Vawiin zing dar 7:00 khan Lunglei Art & Culture Auditorium ah faina hapta hawnna inkhawm neih a ni. Pu H.Lalthansanga, President MJA Lunglei in inkhawm kaihruai in, Pu V.Sapchhunga, IAS, Deputy Commissioner chu khuallian ni in faina hapta hi a hawng a ni.

Bawrhsap chuan thusawiin faina hapta chhunga lawmman lak nan ringawt hmang lovin rilru ah fai duhna thinlung i pu theuh ang u. Lunglei hi faina lamah kan thangharh tawh hle a, tih tak tak na thinlung kan pu tawhin ka hria a ti. Kumin a thupui ‘Faihi hriselna leh damreina a ni’ a kan thupui ang ngei hian kan in leh a vel te khawpui chhungte tih fai hi keimahni mawhphurhna ah i dah ang u. Hapta chhung ringawt nilovin kumtluan in faina ah hma i la ang u a ti bawk. Bawrhsap hian SJSRY hnuaia BPL training chhuak mi 108 hnen ah certificate leh Rs. 700 hlannna neiin Pu R.L Zidinga DUDO (UD&PA) chuan report pein faina hapta chhung hian School fai Primary atanga College thleng pakhatna atanga pathumna thlan an ni dawn a, chubakah office fai, veng fai, Hotel,Restaurent leh Tea Stall leh Chanchinbu a faina chung changa ziaktha pakhat na atanga pathumna theuh thlan ani dawn a ni. Lunglei Dist. chhunga Sub-Division pahnih Hnahthial leh Tlabung ah te pawh faina hapta hi hman ani dawn a ni. Faina Hapta kharna leh lawmman semna hi 9th Oct. 2012 ah Saikuti Hall ah neih ani ang.