Faina Hapta 2012, 2nd October 2012 - 9th October 2012 chhungahman tur chu Mamit ah pawh urhsun tak leh hlawk taka hman tum a ni a.

Vawiin 2nd October 2012 hian Mamit khawpui chhunga YMA Branch hrang hrang te chuan anmahni remchan ang angin tukin zing karah khan Faina Hapta hawnna hun an hmang a. Veng thenkhatah chuan VCP ten hawnna hun hi hmangin vengchhung khawlai leh thlanmual te an sam fai nghal a ni.

Faina Hapta hman chhung hian Mamit khawpui chhungah faina lama inelna chi hrang hrang YMA Branch - Wise a veng fai inelna te, zirna sikul faia inelna te, Hotel/Restaurant/Tea Stall/ Canteen faia inelna te bakah Office leh Compound faia inelna te buatsaih a ni a. Tin, Faina chungchang chanchinbu a ziak tha a inelna te buatsaih ni bawkin heng lawmman te hi faina Hapta kharna inkhawm Dt.9th October 2012 a Chhim Veng YMA Hall-a buatsaih ah hlan an ni dawn a ni.